 Əfqan NƏSİRLİ
MÖHTAC OLUBDUR
Əzəlindən belə gəlib bu dünya,
Yaxşısı yamana möhtac olubdur.
Naşısı oturub süfrə başında,
Ustadı zamana möhtac olubdur.
Tülküləri, çaqqalları çox olub,
İnsanlıqdan pay umanlar yox olub.
Yabıları hər an yeyib, tox olub,
Köhləni samana möhtac olubdur.
Alçaqları qanunları yazandı,
Düzlük deyən düz yolunu azandı,
Namərdləri baş kəsib, ad qazandı,
Mərdləri amana möhtac olubdur.
|
